Ռուսաստանի կառավարությունը մաքսատուրքեր սահմանելու օգնությամբ կսահմանափակի հացահատիկի արտահանումը, որպեսզի կանխի այդ ապրանքի ներքին գների կտրուկ աճն այն բանից հետո, երբ ռուբլու թուլացումը արտահանողներին մղեց զանգվածային արտահանման, տեղեկացնում Է «Արմենպրես»-ը:
Որոշումը հաջորդել Է վերջին շաբաթվա ընթացքում ներքին շուկայում ցորենի գնի 5 տոկոս թանկացմանը: Ռուսաստանի կառավարության հայտարարության կապակցությամբ մեկ բուշել ցորենի արժեքը Չիկագոյի ապրանքային բորսայի սակարկություններում ավելացել Է 1,8 տոկոսով՝ մինչեւ 643,75 դոլար:
«Մենք առաջարկություններ ենք պատրաստել հացահատիկի վրա արտահանական մաքսեր սահմանելու վերաբերյալ, եւ մեկ օրվա ընթացքում դրանք կներկայացվեն Ձեզ»,-հայտնել Է փոխվարչապետ Արկադի Դվորկովիչը՝ խորհրդակցության ժամանակ դիմելով նախարարների կաբինետի ղեկավար Դմիտրի Մեդվեդեւին, հաղորդել Է ՏԱՍՍ-ը:
