Իրաքի մայրաքաղաք Բաղդադում հունվարի 22-ին ահաբեկչության զոհ է դարձել 9 մարդ, վիրավորվել' ևս 13-ը: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, զոհերից 2-ն իրաքյան բանակի զինվորներ են, մյուսը 7-ը' կամավորական ջոկատների անդամն եր: Պայթուցիկ սարքավորումը տեղադրված է եղել Բաղդադի հյուսիսում գտնվող Թաջի ռազմակետի մերձակայքում:
Անվտանգության աղբյուրների տեղեկացմամբ' կանխվել է Բաղդադի կենտրոնում անվտանգության աշխատակցի նկատմամբ մահափորձը:
Իրաքյան զինված ուժերն ազատագրել են Անբար և Նինվե մարզերի գյուղեր: Մասնավորապես, ազատգրվել է Անբար մարզի Խասֆա շրջանը: Բախումների ժամանակ տասնյակ ահաբեկիչներ են սպանվել:
Բացի այդ, ազատագրվել են Նինվե մարզի Թել Զահաբ, Քաֆրաջ, Հասան Ջալա, Շեյխա գյուղերը, ոչնչացվել են 28 ահաբեկիչներ:
Տեղեկություններ կան, որ ԻՊ-ն փախուստի է դիմել Մոսուլի 4 շրջաններից:
ԻՊ կազմակերպությունում ընդգրկվել են 80 երկրների մոջահեդներ: «Իսլամական պետություն» ծայրահեղական կազմակերպությունը համարվում է աշխարհի ամենավտանգավոր, ամենախոշոր և, միևնույն ժամանակ, ամենահարուստ ահաբեկչական կազմակերպությունը, որը կարճ ժամանակում հսկայական տարածքներ է գրավել Սիրիայում եւ Իրաքում:
