Մեքսիկայի կենտրոնական Միչոական նահանգում մոտ 3 հազար մարդ է տուժել հորդառատ անձրևներից առաջացած ջրհեղեղի հետևանքով: Այս մասին հայտնել է ՏԱՍՍ-ը:
Ինչպես հայտնել են տեղի իշխանությունները, տարերքի հարվածից վնասվել է մոտ 800 տուն:
Մայրաքաղաքի Մորելի տարածաշրջանի որոշ շրջաններում ջրի մակարդակը հասել է 1 մետրի: Նահանգի իշխանություններն արտակարգ օգնություն են ցուցաբերում բնակչությանը: Անօթևան մնացած մարդիկ տեղափոխվում են ապաստարաններ, նրանց սնունդ ու ծածկոցներ են բաժանում:
Վերջին օրերին Մեքսիկայի ողջ տարածքում տեղում են ուժեղ անձրևներ, ավելի քան 3 հազար մետր բարձրության վրա գտնվող շրջաններում ձյուն է տեղում:
