ԱՊՀ-ի գործադիր կոմիտեն հրավերներ Է ուղարկել Համագործակցության բոլոր երկրներին՝ մասնակցելու Մոսկվայում Հաղթանակի հոբելյանի առթիվ կայանալիք հանդիսավոր միջոցառումներին: Այդ մասին, ինչպես տեղեկացնում Է «Արմենպրես»-ը, մարտի 19-ին Մինսկում հայտնել Է ԱՊՀ-ի գործադիր քարտուղար Սերգեյ Լեբեդեւը:
Նրա խոսքով՝ «Հայրենական մեծ պատերազմում Հաղթանակի 70-ամյակին նվիրված հանդիսություններին մասնակցելու հրավերներ են ուղարկվել ԱՊՀ-ի երկրների բոլոր ղեկավարներին»: Լեբեդեւը ճշտել Է, որ ներկայում հրավերները քննարկվում են Համագործակցության երկրներում, նրանցից մի քանիսն արդեն դրական պատասխան են տվել:
«Հուսով ենք, որ Համագործակցության երկրների բոլոր ղեկավարները կժամանեն Մոսկվայի հանդիսություններին: Մայիսի 8-ին Մոսկվայում պլանավորում ենք անցկացնել պետությունների ղեկավարների ոչ պաշտոնական հանդիպում՝ նվիրված այդ սուրբ օրվան»,-լրագրողներին հայտնել Է Լեբեդեւը:
Տոնի նախօրյակին ԱՊՀ-ի պետությունների ղեկավարների՝ Մոսկվայում կայանալիք ոչ պաշտոնական հանդիպման մասին ավելի վաղ հայտնել Էր Կրեմլի վարչակազմի ղեկավար Սերգեյ Իվանովը:
Դրա հետ մեկտեղ, ինչպես նշում Է ՌԻԱ Նովոստին, Լեբեդեւը ուշադրություն Է դարձրել այն բանի վրա, որ Հաղթանակի հոբելյանին նվիրված հանդիսավոր միջոցառումներ կանցկացվեն նաեւ Համագործակցության երկրներում:
«Ինչ վերաբերում Է Ուկրաինային, ապա ինձ հայտնի Է, որ նման միջոցառումներ պլանավորվում են նրա տարածքում՝ Կիեւում եւ մյուս քաղաքներում: Ինչ վերաբերում Է նրա մասնակցությանը Մոսկվայի միջոցառումներին, ապա տեղեկատվություն դեռ չկա. այդ հարցը քննարկվում եւ լուծվում Է երկկողմ հիման վրա»,-ասել Է ԱՊՀ-ի գործադիր քարտուղարը:
