ԼՂՀ նախագահի մամլո քարտուղար Դավիթ Բաբայանը հայ-ադրբեջանական սահմանին շարունակվող լարվածությունը կապում է առաջիկայում Ադրբեջանում անցկացվելիք խորհրդարանական ընտրությունների հետ: «Ադրբեջանում առաջիկա խորհրդարանական ընտրություններից առաջ, լրացուցիչ ձայներ շահելու նպատակով, ադրբեջանական իշխանությունները լարում են իրավիճակը տարածաշրջանում, երկրում առկա խնդիրները փորձում են բարդել ար տաքին թշնամու վրա»,- «Արմենպրես»-ի հաղորդմամբ' տեսակապով միանալով Մեդիա-կենտրոնում կազմակերպված քննարկմանը, այս մասին նշեց Բաբայանը` հավելելով, որ Ադրբեջանը լիովին վերածվել է նացիստական պետության, որն ագրեսիվ պահվածք է դրսևորում և ներքին, և արտաքին քաղաքականության մեջ:
Նա նշեց, որ հայ-ադրբեջանական սահմանին իրավիճակը վերահսկելի է, և ադրբեջանական զինված ուժերը որևէ առավելության չեն հասնում և չեն կարող հասնել: «Ադրբեջանցիները ռազմական տեսանկյունից ուղղակի անիմաստ խախտումներ են անում սահմանին, իսկ ռազմավարական նախաձեռնությունը նրանք չեն կարողանում և չեն էլ կարողանա վերցնել: Ուղղակի նման մեթոդներով շարունակում են լարված պահել իրավիճակը տարածաշրջանում»,-շեշտեց Դավիթ Բաբայանը'ընդգծելով, որ մեր տարածաշրջանում առկա մարտահրավերներին դիմագրավելու համար անհրաժեշտ է ունենալ հզոր բանակ, համախմբված հ ասարակություն և Հայաստան-Արցախ-Սփյուռք համախմբված մոտեցում կարևորագույն խնդիրների վերաբերյալ:
Վերջին օրերին ադրբեջանական կողմն ինտենսիվորեն խախտում է հրադադարի ռեժիմն ինչպես ղարաբաղա-ադրբեջանական հակամարտ զորքերի շփման գծում, այնպես էլ Հայաստան-Ադրբեջան սահմանագծում: Մասնավորապես, Տավուշի մարզում հակառակորդը կրակ է բացում նաև խաղաղ բնակչության ուղղությամբ: Հրադադարի ռեժիմի խախտմ ան հետևանքով զոհվել է ՀՀ զինված ուժերի պայմանագրային զինծառայող Հայկ Թևոյանը, վիրավորվել է Կոթի համայնքի երկու քաղաքացիական անձ' մայր և որդի Նազիկ և Ռազմիկ Թումանյանները:
