Հաքերները 15 մլն մարդու անձնական տվյալներ են հափշտակել Գերմանիայում բազավորված T-Mobile հոլդինգի տվյալների բազայից, որը կապի առաջատար օպերատորներից մեկն է ԱՄՆ-ում: Այդ մասին, ինչպես տեղեկացնում է «Արմենպրես»-ը, հոկտեմբերի 1-ին լրագրողներին հայտնել են T-Mobile-ի հետ համագործակցող Experian ամերիկյան ընկերո ւթյան ներկայացուցիչները, որի համակարգերում կիբեռհանցագործները «սողանցք» են գտել:
Մասնավորապես, տեղեկատվություն է հափշտակվել T-Mobile-ի հաճախորդների սոցիալական ապահովության քարտերի համարների, հասցեների, ծննդյան ամսաթվերի վերաբերյալ: Նշված տեղեկությունների առկայությունը հաքերների համար դյուրացնում է մարդկանց բանկային հաշիվներ մուտք գործելու հնարավորությունը, հաղորդել է ՏԱՍՍ-ը:
