Ֆրանսիայի ոստիկանությունն ավարտել է երկրի հյուսիսում գտնվող Ռուբե քաղաքում պատանդներին ազատելու գործողությունը: Ինչպես հաղորդում է Reuters գործակալությունը՝ կողոպտիչներից մեկը, ով հարձակվել էր բանկի տնօրենի ընտանիքի վրա, սպանվել է:
Ըստ նախնական տեղեկությունների՝ ևս մեկ հանցագործ ձերբակալվել է, իսկ երրորդին՝ հաջողվել է փախչել:
Հիշեցնենք՝ Ֆրանսիայի հյուսիսում պատանդներ վերցնելու մասին հաղորդագրություն է հայտնվել նոյեմբերի 24-ին: Երեք զինված տղամարդիկ ներխուժել են տուն՝ թալանելու մտադրությամբ, սակայն ընտանիքը դիմադրություն է ցուցաբերել:
Իշխանությունները չեն համարում, որ այդ միջադեպը ահաբեկչական հարձակում է եղել:
