Բրիտանական Vice News-ի թղթակցին՝ իրաքցի Մուհամեդ Իսմայիլ Ռասուլին, չորս ամսվա կալանքից հետո ազատ են արձակել թուրքական բանտից: Լրագրողը ձերբակալվել է ահաբեկչության մեղադրանքով, ասված է պարբերականի կայքում:

Նշվում է, որ Մուհամեդ Իսմայիլ Ռասուլը պարբերականի երրորդ լրագրողն է, որին թուրք իրավապահներն ազատ են արձակել:

«Երկու այլ կալանավորված լրագրողներն ազատ են արձակվել 11 օր անց, Ռասուլը կալանքի տակ էր գտնվում ավելի քան չորս ամիս՝ մեղադրված լինելով «ահաբեկչական կազմակերպություններին աջակցելու» մեջ»,- ասվում է պարբերականի հաղորդագրության մեջ: