Ռուսական sports.ru կայքն անդրադարձել է Հայաստանի ազգային ընտրանիում տիրող իրավիճակին:
Կայքը մասնավորապես անդրադարձել է օրերս ՀՖՖ նախագահ Ռուբեն Հայրապետյանի հայտարարությանը, ինչպես նաև ՀՖՖ-ՖԱՖ «հակամարտությանը», Բելառուսի դեմ խաղում մարզադաշտի փակ սեկտորին: ՀՖՖ նախագահը նշել էր, որ քանի դեռ ինքը ՀՖՖ-ի նախագահի պաշտոնում է, Յուրա Մովսիսյանը, Ռոբերտ Արզումանյանը և Գևորգ Կասպարովը հավաքական չեն հրավիրվելու:
«Հայաստանի հավաքականը հիմնավորապես թարմացվել է: Առաջին անգամ հավաքական չեն հրավիրվել Յուրա Մովսիսյանը, Ռոբերտ Արզումանյանը, Գևորգ Ղազարյանը, Գևորգ Կասպարովը: Նոր գլխավոր մարզչի համար իմպրովիզացիայի լավ պահ է...: Նորեկների մեծ թիվը լավ միջոց է քննադատների բերանները փակելու համար: Եթե հանկարծ ինչ-որ բան այն չլինի, միշտ էլ կարելի է հենվել առանձին խաղացողների անփորձության և նոր թիմ կառուցելու վրա...
... Պոլիգլոտ Հենրիխ Մխիթարյանն Ավանի ակադեմիայում պատասխանում է լրագրողների հարցերին, գեղեցիկ կերպով շրջանցելով Արզումանյանի, Մովսիսյանի, Կասպարավի բացակայության մասին խոսակցությունները... Հենրիխը կամ հիանալի դիվանագետ է, կամ էլ դրա իրավունքը չունի:...Ահա այսպիսի բեռ ունի Հայաստանի հավաքականի ավագն այսօր...
Ռուբեն Հայրապետյանի վերջին խոսքերն այնպես են երևում՝ կարծես նա չէ «նեմեց», այլ նրանք, ովքեր իրեն պատին են դեմ տվել և ատրճանակի ճնշման տակ այսպիսի բաներ է ասում, ինչը հասարակ մարդկանց համար դժվար է հասկանալ:
Խաղից առաջ շատ քիչ ֆուտբոլ կա: Խաղը, որում Հայաստանի ընտրանին այս տարի առաջին անգամ հավաքվում է, կազմը թարմացվում է, փոփոխություններ կան, նորեկներ կան, իսկ ամենակարևորը՝ առաջիկա խաղը կնշանավորվի որպես հայկական ֆուտբոլի լեգենդար դարպասապահ Ռոման Բերեզոեվսկիի հրաժեշտի խաղ: Միայն գոնե Բերեզովսկիի համար կարող էին ֆուտբոլի իսկական տոն սարքել ամբողջ երկրում, այլ ոչ թե տրիբունաներում զրկել տեղերից նրանց, ովքեր այսքան տարվա ընթացքում թիկունքում աջակցել են իրենց ավագին: «Колхоз в федерации футбола продолжается»: Մի՞թե նրանց հասկանալի չէ, որ դատարկ տրիբունաները Բերեզովսկիի թիկունքում հաճելի չեն լինի: Մի՞թե նման հրաժեշտի խաղի մասին էր երազում հավաքականի դարպասապահը, ով այդքան բան է տվել հայկական ֆուտբոլին:
Կապված Յուրա Մովսիսյանի հետ: Եթե խաղացողը լավ վիճակում չէ, խնդիրներ կան կարիերայում, ճիշտ չէ միանգամից գնալ կտրուկ քայլերի: Ընդ որում, երբ պարոն Հայրապետյանն անձամբ բանակցություններ էր վարում նրա հետ և արագ հայկական անձնագիր էր պատրաստում, որպեսզի շուտ խաղա Հայաստանի հավաքականում, Մովսիսյանի ծառայություններով հետաքրքրվում էր ԱՄՆ-ի ֆուտբոլի ֆեդերացիան: Ի՞նչ օրինակ է այս արարքով ծառայում Հայրապետյանը: Վաղը ինչ-որ մի տաղանդավոր ֆուտբոլիստ սփյուռից կնայի այս դեպքը և կորոշի, որ ավելի լավ է խաղալ Ֆրանսիայի, Ռուսաստանի, Ուրուգվայի հավաքականում, քան լինել նման կերպ մերժված, խայտառակված, երբ կարիերայում անկում է սկսել: Սա Բրազիլիայի և Իսպանիայի հավաքական չէ, որ կարողանա հանել Ռոմարիոյին ու Ռաուլին, սակայն դրա հետ մեկտեղ ունենա Ռոնալդո, Ռիվալդո, Տորես: Այստեղ և հիմա յուրաքանչյուր անուն պետք է պահպանվի և յուրաքանչյուրն աջակցություն ստանա: «Старичок, ну не идет у тебя игра, ты давай набирай форму, скинь пару кило, и давай обратно, мы за тобой следим и мы тебя поддерживаем»: Մեծ հարգանք Մովսիսյանին, որ ժամանակին ընտրեց Հայաստանի հավաքականը: Նա ինքն է ասել, որ սրտով է ընտրություն կատարել, քանի որ որքան տարի էլ օտարության մեջ ապրի, հոգով և սրտով իսկական հայ է:
Շատ ցավալի է, որ հիմա ամեն ինչ այսպես է դասավորվում Հայաստանի հավաքականի որոշ ֆուտբոլիստների համար: Երբ չկա միասնականություն, չկա առողջ մթնոլորտ, ի՞նչ կարող ենք սպասել նման կոլեկտիվից: Ֆուտբոլիստները լռում են, գեղեցիկ շրջանցում են բոլոր այս թեմաները: Կամ նրանք չափից շատ են սիրում իրենց հավաքականը և ցանկանում են նրա հետ լուռ հաջողության հասնել՝ հանուն հայ ժողովրդի, կամ էլ պարզապես այդ թեմաների մասին հրապարակավ խոսելու իավունք չունեն: Քանի որ հայկական ֆուտբոլի ղեկին բռնապետ է, ով ղեկավարում է հայկական ֆուտբոլի գործերը, ինչպես ցանկանում է: Ներկա պահին սա պատանդների հավաքական է, ովքեր իրավիճակի պատանդն են, որոշ չափով՝ անելանելի»:
