Թուրքիայում կանայք կարող են կամավոր հիմունքներով զինծառայություն անցնել:
Այս մասին, ինչպես հաղորդում է «Արմենպրես»-ը' վկայակոչելով «Վաթան» թերթը, ասվում է Թուրքիայի պաշտպանության և Գլխավոր շտաբի բարեփոխումների փաթեթում:
Կանանց համար նախատեսվում է, տղամարդկանց համեմատ, ավելի կարճ ժամկետով զինծառայություն: Այդ ժամանակաընթացքում կանանց համար նախատեսվում է անցկացնել նաև զինավարժանքներ:
Կանայք կամավոր զինծառայություն ներկայում կարող են անցնել Ավստրիայում, Դանիայում, Ֆինլյանդիայում, Շվեյցարիայում, Լիտվայում և Հունաստանում: 2015 թվականին Նորվեգիան օրենք է ընդունել կանանց պարտադիր զինծառայություն անցնելու մասին: Իսրայելում կանայք օրենքով պետք է 2 տարի ժամկետով զինծառայություն անցնեն:
