Ազգային ժողովի այսօր նիստը վարող Էդուարդ Շարմազանովի առաջարկությամբ մեկ րոպե լռությամբ հարգեցին ղարաբաղա-ադրբեջանական շփման գծում վերջին օրերին զոհված հերոսների հիշատակը:
«Վերջին օրերի ընթացքում Ադրբեջանի ագրեսիվ ահաբեկչական գործողությունների արդյունքում լայնածավալ գործողություններ են սկսվել ղարաբաղա-ադրբեջանական շփման գծում: Ցավոք սրտի, ադրբեջանական ագրեսիայի արդյունքում մենք ունենք մարդկային կորուստներ թե՛ քաղաքացիական բնակչության, և թե՛ մեր հերոս զինծառայողների շրջանում»,- ասաց Շարմազանովը:
Այնուհետև կարդաց Ազգային ժողովի բոլոր խմբակցությունների և խմբակցություններում չընդգրկված պատգամավորների կողմից ընդունված հայտարարությունը:
Շարմազանովը նաև շնորհակալություն հայտնեց հանրությանը և հատկապես ընդդիմադիր ուժերին՝ աննախադեպ կոնսոլիդացիայի համար:
