Ինչպես յուրաքանչյուր հայ մարդու, այնպես էլ առավել ևս անազատության մեջ գտնվողի համար մկրտության խորհուրդը առանձնահատուկ նշանակություն ունի, քանզի մկրտությունը ադամական՝ սկզբնական մեղքից սրբվելու և հոգևոր վերածննդի խորհուրդն է:
Մկրտված մարդը պետք է հեռանա իր կյանքի նախկին անհավատ ընթացքից և քայլի աստվածային արդարության ու ճշմարտության ճանապարհով:
Այս ճշմարտությունն էլ հենց ՀՀ ԱՆ «Վարդաշեն» ՔԿ հիմնարկի դատապարտյալ Սարգիս Սարգսյանին առաջնորդեց Աստծո տուն, ուր հունվարի 24-ին հիմնարկի հոգևոր սպասավոր Տեր Առնակ քահանա Հարությունյանի ձեռամբ վերջինս մկրտվեց և մեկընդմիշտ պարտավորվեց բռնել նոր, մաքուր կյանքի ուղին:
