Զանգվածային լրատվության միջոցները հաղորդում են, որ Փարիզի Օրլի օդանավակայանում ձերբակալվել է զինծառայողների վրա հարձակում գործած երկրորդ կասկածյալը: «Ռիա.ռու» գործակալությունը հայտնում է, որ ենթադրվող կասկածյալը օդային հաղորդակցության աշխատակից է:
Ավելի վաղ օդանավակայանում անվտանգության ուժերը կրակել եւ սպանել են զինծառայողից զենքը խլել փորձող տղամարդուն: Այլ տուժածներ չեն եղել:
Ուղեւորները նշել են, որ նրանք կրակոցներ են լսել օդանավակայանում, ոստիկանությունն անվտանգության գործողություն է իրականացրել, և նրանց հրահանգել են դուրս գալ շենքից:
