Հելսինկիում շարունակվում է գեղասահքի աշխարհի առաջնությունը: Ֆինլանդիայի մայրաքաղաքում այսօր սառույցը տրամադրվեց մենասահորդներին: 36 մասնակիցների մեջ Հայաստանը ներկայացնում էր Սլավիկ Հայրապետյանը: Այս մասին գրում է ՀԱՕԿ-ի կայքը:
Հայ գեղասահորդը կարճ ծրագրում հավաքեց 57.14 միավոր, ինչը չբավարարեց 24 լավագույնների հետ մտնել եզրափակիչ:
Մարտի 31-ին Թինա Կարապետյան/Սիմոն Պրու-Սենեկալ պարային զույգը հանդես կգա կարճ ծրագրում:
Նույն օրը կանանց մենասահքում կամավոր ծրագրով սառույց կմտնի Անաստասիա Գալուստյանը:
