Ապրիլի 19-ին ոստիկանությունում տեղի ունեցավ հերթական մասնագիտական պարապմունքը, որը վարում էր ոստիկանության պետի տեղակալ, ոստիկանության գեներալ-մայոր Վարդան Եղիազարյանը:

Մասնակցում էին ոստիկանության տարածքային բաժինների պետերը:

Օրակարգի թեմաներն էին՝ Հայաստանի Հանրապետությունում Ինտերպոլի ազգային կենտրոնական բյուրոյի համագործակցությունը ոստիկանության ստորաբաժանումների հետ:

Քննարկվող հարցի շուրջ զեկուցեց Հայաստանի Հանրապետությունում Ինտերպոլի ազգային կենտրոնական բյուրոյի պետ, ոստիկանության գնդապետ Արա Ֆիդանյանը:

Չեկուցողը կարեւորեց փաստաթղթային ձեւակերպումների ուղղությամբ համագործակցության ակտիվացումն ու ամրապնդումը, ինչի արդյունքում, մասնավորապես, հետախուզվողների, ինչպես եւ կորած կամ գողացված ճամփորդական փաստաթղթերի հայտնաբերման գործում արդյունքներն առավել տեսանելի կլինեն:

Ոստիկանությունում արխիվային աշխատանքների կազմակերպման վերաբերյալ զեկույցով հանդես եկավ ոստիկանության ինֆորմացիոն կենտրոնի պետ, ոստիկանության գնդապետ Արմեն Ղուկասյանը:

Ներկայացնելով ոլորտի առանձնահատկություններն ու այդ ուղղությամբ իրականացվող աշխատանքները՝ Արմեն Ղուկասյանն անդրադարձավ նաեւ առկա խնդիրներին:

Առաջադրված հարցերի քննարկումից հետո ցուցումներ տրվեցին աշխատանքի արդյունավետությունը բարձրացնելու ուղղությամբ: