Արագածոտնի մարզի Ապարան քաղաքին նոր մանկապարտեզի կառուցման համար Պետական գույքի կառավարման հաշվեկշռին ամրացված և Շենավանի միջնակարգ դպրոցին փոխանցված 0.3 հա հողատարածք կտրամադրվի: Որոշման նախագիծն ընդունվեց կառավարության նիստում: Այն ներկայացրել է պետական գույքի կառավարման վարչության պետ Արման Սահակյանը:
«Տարածքի արժեքը 1.5 մլն դրամ է գնահատվել: Շենավանի դպրոցի հարևանությամբ մանկապարտեզը մոտ 300-ից 400 ք/մ տարածք կզբաղեցնի եւ նախադպրոցական կրթություն կտրամադրի 90 երեխայի: Նոր մանկապարտեզի շինարարության մեջ քաղաքը 13.8 մլն դրամ կներդնի, որից 7 մլն դրամն արդեն իրացվել է, իսկ 6.8 մլն դրամը կծախսվի 2018-2019 թվականներին»,- «Արմենպրես»-ի փոխանցմամբ, ասաց Արման Սահակյանը:
