«Նուբարաշեն» քրեակատարողական հիմնարկում օգոստոսի 23-ի երեկոյան մահացել է սպանության մեջ մեղադրվող կալանավորված անձ: Տեղեկությունը ԼՈւՐԵՐ.com-ի թղթակցի հետ զրույցում հաստատեցին Քրեակատարողական վարչության հանրային կապերի բաժնից:
«Քրեակատարողական հիմնարկում կալանավոր Արարատ Նիկողոսյանի ինքնազգացողությունը վատացել, ինչի համար շտապօգնություն է հրավիրվել: Քրեակատարողական հիմնարկ ժամանած շտապօգնության բժիշկն արձանագրել է կալանավորի կենսաբանական մահը»,- փոխանցեցին ՔԿՎ հանրային կապերից:
Նշենք, որ կալանավորը մեղադրվել է Քրեական օրենսգրքի 104-րդ հոդվածի 2-րդ մասի հատկանիշներով՝ սպանություն:
Հիշեցնենք՝ Արարատ Նիկողոսյանը մեղադրվում էր լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության մեջ:
