Երևան քաղաքի ընդհանուր իրավասության դատարանը՝ դատավոր Արթուր Ստեփանյանի նախագահությամբ, երեկ՝ հունվարի 25-ին, վերադարձրել է ԱԺ նախկին պատգամավոր, ԵԿՄ նախկին նախագահ Մանվել Գրիգորյանի հայցադիմումն ընդդեմ «Մաքսինֆո» (Maxinfo.am) լրատվական կայքի: Այս մասին տեղեկանում ենք Datalex դատական տեղեկատվական համակարգից:

Հայցադիմում ներկայացնելու առիթը «Մաքսինֆո» կայքում հրապարակված «Առևտուր թուրքերի հետ․ Մանվել Գրիգորյանի մասին ևս մեկ աղմկահարույց բացահայտում» հոդվածն է, որում նշված է եղել, որ Մանվել Գրիգորյանը ժամանակին թուրքերին է վաճառել Վազգեն Սարգսյանի կողմից իրեն հանձված 1500 գլուխ ոչխար։