Հայաստանում ցմահ ազատազրկվածների համար կարող են կրճատվել պահման ռեժիմի փոփոխման համար դիմումների ժամկետները: Համապատասխան նախագիծն այսօր հավանության է արժանացել ՀՀ ԱԺ պետաիրավական հարցերով հանձնաժողովի նիստի ժամանակ:
Զեկուցողը՝ ՀՀ արդարադատության փոխնախարար Արտակ Ասատրյանը, նշել է, որ ցմահ ազատազրկված անձինք կարող են դիմել պատժի կրման փակ ռեժիմը կիսափակի փոխելու խնդրանքով պատժի կրումից 15 տարի անց՝ ներկայիս 20-ի փոխարեն, կիսափակը՝ կիսաբաց 18 տարի անց՝ ներկայիս 25-ի փոխարեն, իսկ կիսաբացը՝ բաց պատժի կրումից 20 տարի անց:
Բացի այդ, հնարավոր է նաեւ ցմահ բանտարկյալի տեղափոխում մեկուսարան, եթե նրա կամ նրա բանտակիցների կյանքին վտանգ է սպառնում:
