Գյումրիում մեկամյա դստերը սպանելու կասկածանքով ձերբակալվել է երեխայի մայրը։ Այս մասին ԼՈՒՐԵՐ․com–ին հայտնեց Քննչական կոմիտեի դեպարտամանտի տեղեկատվության եւ հասարակության հետ կապերի վարչության պետ Նաիրա Հարությունյանը։
Հիշեցնենք, որ օգոստոսի 31-ին ոստիկանության Մուշի բաժնում ահազանգ է ստացվել, որ Գյումրիի քաղաքային աղբանոցում քաղաքացիները հայտնաբերել են երեխայի դի։ Մեկնած օպերատիվ խումբը աղբանոցում հայտնաբերել էր 1 տարեկան աղջիկ երեխայի դի՝ ձեռքերն ու ոտքերը փաթաթված կպչուն ժապավենով։
Երեկոյան Գյուրիի Շիրակացու փողոցում ոստիկանները հայտնաբերել էին երեխայի մորը եւ բերման ենթարկել ոստիկանության Մուշի բաժին:
Պարզվել է, որ 20-ամյա կինը կապել երեխայի ոտքերն ու ձեռքերը կպչուն ժապավենով, բերանը շոր մտցրել եւ նետել է աղբանոց, ինչի հետեւանքով երեխան մահացել է:
Դեպքի առթիվ հարուցվել է քրեական գործ՝ ՀՀ քրեական օրենսգրքի 104 հոդվածի հատկանիշներով, այն է՝ սպանություն կատարելը:
