Amazon-ի ղեկավար Ջեֆ Բեզոսի հեռախոսը «ջարդելու» հետևում կանգնած է Սաուդյան Արաբիայի թագաժառանգ Մուհամմադ բին Սալման Ալ Սաուդին, գրում է բրիտանական The Guardian թերթը:

Բեզոսի բջջային հեռախոսի փորձաքննության արդյունքներին ծանոթ աղբյուրները հայտնել են, որ լրտեսող ծրագիրը կարող է ներբեռնված լինել 2018-ի մայիսին՝ վիդեո ֆայլի միջոցով, որը Սաուդյան արքայազը ուղարկել է WhatsApp-ի միջոցով:
The Guardian-ի զրուցակիցները պնդում են, որ դրանից հետո մի քանի ժամվա ընթացքում հսկայական քանակությամբ ֆայլեր են ներբեռնվել Amazon-ի ղեկավարի հեռախոսից:
Թերթը շեշտում է, որ չկան տեղեկատվություններ այն մասին, թե ինչպես են օգտագործվել հաքերային հարձակման արդյունքում ձեռք բերված տվյալները:
Հիշեցնենք, որ 2019 թվականի մարտին Բեզոսի կողմից վարձված մասնավոր խորհրդատու Գեվին դե Բեկերը հայտարարել էր, որ իր հաճախորդի հեռախոսը «ջարդել» են Սաուդյան Արաբիայի կառավարության համար աշխատող հաքերների: