Հաագայի Վերաքննիչ դատարանը փետրվարի 18-ին բավարարել է ՅՈՒԿՕՍ նավթային ընկերության նախկին բաժնետերերի հայցը, որով Ռուսաստանը պարտավորվում է ընկերության նախկին բաժնետերերին 50 մլրդ դոլար վճարել որպես վնասի փոխհատուցում։ Ռուսական կողմը հայտարարել է, որ Մոսկվան բողոքարկելու է Նիդերլանդների Վերաքննիչ դատարանի կողմից կայացրած վճիռը:
Ինչպես ընդգծել են գերատեսչությունից, դատարանն անտեսել է այն փաստը, որ ՅՈՒԿՕՍ-ի նախկին բաժնետերերը «բարեխիղճ ներդրողներ չեն եղել»:
Դատարանը փաստել է, որ 2003 թվականին Մոսկվան գործադրել է հարկային ճնշումներ ընկերության վրա: Ավելի վաղ՝ 2014-ին միջազգային արբիտրաժային դատարանն արդեն իսկ բավարարել էր նավթային ընկերության նախկին բաժնետերերի հայցը, սակայն ռուսական կողմը բողոքարկել էր որոշումը Նիդերլանդների առաջին ատյանի դատարանում:
