Թուրքիայի տրանսպորտի և ենթակառուցվածքների նախարարությունը հաղորդել է, որ Մոսկվան և Անկարան պայմանավորվել են հուլիսի 15-ից չվերթները վերսկսելու մասին, հայտնում է Anadolu գործակալությունը:
Թուրքիայի տրանսպորտի նախարարության լրատվական ծառայությունը հաստատել է տեղեկությունը, սակայն պարզաբանել է, որ դեռ ճշգրիտ ամսաթիվ չկա: Ավելի վաղ' Ռուսաստանի փոխվարչապետ Տատյանա Գոլիկովան հայտարարել էր, որ հուլիսի 15-ից իշխանությունները կսկսեն աստիճանաբար հանել արտասահման թռիչքների սահմանափակումները: Օդային երթևեկությունը կվերսկսվի այն երկրների հետ, որտեղ կորոնավիրուսի դեպքերը հարյուր հազար մարդու հաշվով ոչ ավելին է, քան 40 դեպքը։ Դեպքերի թվի միջին օրական աճը և COVID-19-ի տարածվածության մակարդակը այդ երկրներում չպետք է գերազանցեն 1% -ը: Հիշեցնենք, որ մարտի 27-ից, կորոնավիրուսի համաճարակով պայմանավորված, Ռուսաստանը դադարեցրել էր կանոնավոր և անկանոն ավիափոխադրումները այլ երկրների հետ։