Աստղիկ ԲԿ-ն վերադառնում է իր բնականոն աշխատանքին՝ կրկին դառնալով No covid կլինիկա:
Երկու ամիս շարունակ ՀՀ ԱՆ ծրագրով և աջակցությամբ կենտրոնն ընդունեց covid19 վարակակիր ծանր հիվանդներին՝ այս նպատակի համար ստեղծելով հատուկ ինֆեկցիոն թոքաբանության բաժանմունք: Ուղեկցող հիվանդություներով ծանր դեպքերը տեղափոխվում էին այստեղ՝ հաշվի առնելով բժշկական կենտրոնի տեխնիկական ու մասնագիտական հնարավորությունները:
Հունիս և հուլիս ամիսների ընթացքում Աստղիկ բկ ինֆեկցիոն թոքաբանության բաժանմունքում առողջացավ կորոնավիրուսով վարակված 250 հիվանդ, ովքեր ամենածանր դեպքերի թվում էին:
Ամփոփելով երկամսյա արդյունքները՝ Աստղիկ բկ-թոքաբանության բաժանմունքն անցնում է իր նախկին ծավալներին ու աշխատանքին, քանի որ կորոնավիրուսով վարակակիրների այլևս չի ընդունելու:
Աստղիկ բկ-ն պատրաստ դիմագրավելու ցանկացած բարդ իրավիճակի և անհրաժեշտության դեպքում կրկին ամբողջովին ներգրավվելու հիվանդության դեմ պայքարին:
Բոլոր դեպքերում, պացիենտների անվտանգության նպատակով կենտրոնում շարունակվում են կանխարգելիչ միջոցառումներն ու անվտանգության նորմերի պահպանումը:
