Հումորային դերասանուհի Նարինե Ոսկանյանը` Պաուզա Անոն, ով  սրտի շտապ վիրահատության կարիք ունի, ֆեյսբուքյան ուղիղ եթերում հայտնել է, որ ամերիկահայ բարերար Գրիգոր Թերմենջյանը վիրահատության ամբողջ գումարը փոխանցել է իրեն:

 

Դերասանուհին նաև նշել է, որ իր հետ կապվել է նաև ՀՀ ԱԺ նախկին պատգամավոր, ՀՖՖ նախկին նախագահ Ռուբեն Հայրապետյանը, ով նույնպես  վիրահատության ծախսերը հոգալու համար գումար է ուղարկել:

«Ես ասացի, որ պետք չի, գումարն ունեմ, Ռուբեն Հայրապետյանն ասեց` էդ փողը քեզ, որովհետև վիրահատությունից հետո քեզ բուժման փող է պետք, աղջիկ ջան: Էդ փողը վերցրու ու բուժվի: Նա ինձ նվիրեց այդ 3 միլիոն դրամը»,- ասաց Ոսկանյանը:

Նա նաև շնորհակալություն է հայտնել բոլորին և խնդրել, որ այլևս իրեն գումար չուղարկեն: «Արժեր, իրոք, հիվանդանալ, որ վայելեի ձեր սերը»,- ասաց դերասանուհին: