Թուրքիայի արտաքին գործերի նախարար Մևլութ Չավուշօղլուն Ադրբեջանի նախագահ Իլհամ Ալիևի հետ Բաքվում կայացած հանդիպման ժամանակ հայտարարել է, որ Թուրքիան պատրաստ է Ադրբեջանին տրամադրել աջակցություն ցանկացած ոլորտում, եթե Բաքուն դրա կարիքն ունենա
«Այսօր ադրբեջանցի ժողովուրդը պայքարում է իր հողերի ազատագրման համար և ի վիճակի է իրագործել դա: Դրա համար նա ուժ և պոտենցիալ ունի : Իհարկե, Թուրքիան և թուրք ժողովուրդը պատրաստ են Ադրբեջանին աջակցություն տրամադրել ցանկացած ոլորտում, եթե Բաքուն դրա կարիքն ունենա»,- նշել է Չավուշօղլուն:
Թուրքիայի արտգործնախարարն ընդգծել է, որ եկել է Բաքու, որպեսզի «մեկ անգամ ևս ցույց տա Թուրքիայի և թուրք ժողովրդի կողմից ցուցաբերվող աջակցությունը Ադրբեջանին»:
