![](http://mediamall.am/timthumb.php?src=upload/237783.png&w=300&h=200&mt=1609512406)
Այսօր՝ հունվարի 1-ին, ժամը 07։20-ի սահմաններում Երեւան-Երասխ ավտոճանապարհի 10-րդ կմ հատվածում ճանապարհատրանսպորտային պատահարի պատճառ դարձած անհայտ մակնիշի եւ համարանիշի ավտոմեքենայի վարորդը դեպքի վայրից դիմել է փախուստի: Այս մասին հայտնում է Shamshyan.com-ը։
Կայքի փոխանցմամբ, անհայտ մակնիշով եւ համարանիշով ավտոմեքենան բախվել է Արարատի մարզի Նորաբաց գյուղի բնակիչ 31-ամյա Նորիկ Մարտիրոսյանի վարած VAZ 2108 մակնիշի ավտոմեքենային:
Վթարի հետեւանքով Ն․ Մարտիրոսյանն ու նրա համագյուղացի 23-ամյա Գրիգոր Մարտիրոսյանը տեղափոխվել են «Էրեբունի» բժշկական կենտրոն։
Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ անհայտ մակնիշի եւ համարանիշի ավտոմեքենան եւ վարորդին հայտնաբերելու ուղղությամբ։
Կայքի տեղեկություններով՝ վիրավորները հարազատ եղբայրներ են։
Ավելի վաղ հայտնել էինք, որ այսօր 07։36-ին Արարատի մարզային ճգնաժամային կառավարման կենտրոն ահազանգ է ստացվել, որ Նորագավիթից Մասիս քաղաք տանող ավտոճանապարհին՝ «Կոնտինենտալ» ռեստորանի մոտակայքում, տեղի է ունեցել ՃՏՊ․ կա տուժած։
![](https://lurer.com/disc/01-01-21/dc9ffd6334fcdbf81180bbc9f50cde47.jpg)
![](https://lurer.com/disc/01-01-21/4ac0ae13a852f775742728ef4170715f.jpg)
![](https://lurer.com/disc/01-01-21/458ce52f8a89a832a491436b7cfb63a5.jpg)
![](https://lurer.com/disc/01-01-21/27af6608c01f8e43f21fce4f3acc8ac0.jpg)