Մեզ մոտ Հայաստանի իշխանությունների նկատմամբ անվստահության տարրեր են ծագել: Այս մասին փետրվարի 17-ին NEWS.am-ին տված հարցազրույցում ասաց Ռուսաստանի հայերի միության փոխնախագահ Հերման Անանյանցը:
Նա պարզաբանեց, որ դրամահավաքի առաջին հանգանակությունը, որն ուղղված էր աջակցությանը, կազմել է ավելի քան 100 միլիոն ռուբլի, բայց «մենք մինչ այժմ չգիտենք, թե դրանք ինչ են եղել»:
«Բացի այդ, պատերազմի ընթացքում ուղարկվել են սաղավարտներ, զրահաբաճկոններ, քնապարկեր եւ շատ այլ բաներ: Ինչպես մեզ տեղեկացրին, այս ամենը մնացել է «Զվարթնոց» օդանավակայանում: Մենք չենք պատրաստվում գումար ուղարկել, որպեսզի հետո դրանք հայտնվեն նախարարների հաշիվների վրա: Ամեն ինչ գողացվում է: Մեզ դա զզվեցրել է»,- հավելեց Անանյանցը:
