ՀՀ հաշվեքննիչ պալատը 2021 թվականի գործունեության իր ծրագրում որոշ փոփոխություններ է իրականացրել: Մամուլի տեղեկություններով` Պալատը մտադիր է ստուգել Առողջապահության նախարարության կողմից նոր կորոնավիրուսային համավարակով պայմանավորված բյուջետային ծախսերի իրականացումը: Եվ այդ ֆոնին նախարարությունը հրապարակել է կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում նախարարության կողմից իրականացված ծախսերի հաշվետվություն: Փաստաթուղթն ընդգրկում է 2021 թվականի հունվարից մինչև մայիսի 1-ն ընկած ժամանակահատվածը: Եվ այսպես՝

1 Վերապրոֆիլավորված բժշկական կենտրոնների պահպանման ծախսեր 2.990.516.249
2 Բազմապրոֆիլ բժշկական կենտրոններին կատարված վճարումներ (պայմանագրային գներով) 944.091.534
3 Պարգևատրում Covid-19-ի շրջանակներում 32.401.889
4 Պաշտպանիչ միջոցներով հագեցվածություն 19.309.746
5 Դեղորայքի և ԲՆԱ հագեցվածություն 1.423.540.261
6 Բժշկական սարքավորումներով հագեցվածություն 44.900.114
7 Բժշկական կենտրոնների վերանորոգում 52.343.206
8 Այլ պետական մարմինների կարիքների համար կատարված վճարումներ 87.299.220
Հանրագումար 5.594.402.219

 2020 թվականի մարտից մինչև նոյեմբերի 1-ն ընկած ժամանակահատվածի համար նախարարությունը որպես պարգևավճար հատկացրել էր 954 504 059 դրամ: Վերապրոֆիլավորված բժշկական կենտրոնների պահպանման ծախսերը կազմել են 4 945 270 160 ՀՀ դրամ:

Ի դեպ, Հայաստանում կորոնավիրուսով վարակված 1 հիվանդի բուժման համար պետության կողմից բժշկական հաստատություններին տրամադրվող գումարի չափի  տարբեր շեմեր են քննարկվում։ Ոլորտի ներկայացուցիչներն ահազանգում են, որ կառավարությունն իրականում 1 պացիենտի բուժման համար 750.000 դրամ է փոխանցում բուժհաստատությանը, սակայն լիարժեք բուժումը կատարվում է 250.000 դրամի սահմաններում։ Բնական է,որ կառավարությունից չեն շտապում որևէ կերպ հերքել կամ հաստատել վերը նշվածը:

Ուշագրավ է նաև Վերապրոֆիլավորված բժշկական կենտրոնների ցանկը որոնք պետական բյուջից միլիոններ են ստանում՝ քովիդի դեմ պայքարի համար: