![](http://mediamall.am/timthumb.php?src=upload/253433.png&w=300&h=200&mt=1678711788)
Բենիամին Նեթանյահուի կառավարությունը քննադատության է ենթարկվել Գերագույն դատարանի դատավորների ընտրության վրա ազդելու և ժողովրդավարության դեմ պայքարելու համար։ ԶԼՄ-ների տվյալներով՝ Իսրայելի քաղաքների փողոցներ են դուրս եկել մինչև կես միլիոն մարդ։
Իսրայելում մարտի 11-ի երեկոյան տեղի է ունեցել երկրի պատմության մեջ ամենամեծ բողոքի ցույցը՝ հարյուր հազարավոր մարդիկ դեմ են արտահայտվել դատական բարեփոխումներին։ Իսրայելական Haaretz թերթը գրում է, որ փողոց է դուրս եկել գրեթե 500 հազար մարդ։
Հայֆա քաղաքում 50 000 իսրայելցիներ մասնակցել են հանրահավաքի, իսկ հարավային Բերշեբայում՝ առնվազն 8 000 մարդ: Ոստիկանությունից հայտնել են, որ ցուցարարներից ոմանք փակել են հիմնական ճանապարհները և բախվել ոստիկանության հետ։
Ընդդիմության առաջնորդ Յաիր Լապիդն ասել է, որ Իսրայելը «անցնում է իր պատմության ամենամեծ ճգնաժամը» և քննադատել է Բենիամին Նեթանյահուի կառավարությանը ժողովրդավարության դեմ պայքարելու համար։
Հանրահավաքներ, ըստ լրատվամիջոցների, տեղի են ունեցել առնվազն 95 քաղաքներում՝ Երուսաղեմում, Աշդոդում, Էֆրաթ, Մոդիին, Նեթանյա, Քֆար Սավա, Յավնե, Հերցլիա, Բեյթ Շեմեշ, Ռիշոն Լեզիոն և Բաթ Յամ բնակավայրերում։ Թել Ավիվում հավաքվել է մոտ 240 հազար մարդ։
![](https://lurer.com/disc/13-03-23/8e6dced2b4914a0270e0286ef99d4112.jpg)
![](https://lurer.com/disc/13-03-23/ac5f454a222d7e33bd919b77888ad92c.jpg)
![](https://lurer.com/disc/13-03-23/da2bd88299238dcba44c12ab81ef238a.jpg)
![](https://lurer.com/disc/13-03-23/d74c8163857fa4718be1c046baca91a1.jpg)
![](https://lurer.com/disc/13-03-23/bc49f49bbd833add708065a8b6a46ded.jpg)
![](https://lurer.com/disc/13-03-23/48ff4f6e254c719e43b70e63e992ae3c.jpg)
![](https://lurer.com/disc/13-03-23/58852a70a472c4de34c1b6b5956375fc.jpg)
![](https://lurer.com/disc/13-03-23/2ae4ec34161d3559c3e68e45c5624b46.jpg)
![](https://lurer.com/disc/13-03-23/5b68f4dcbff2ccde628a6bdb7c0837f3.jpg)
![](https://lurer.com/disc/13-03-23/00a447f03ce7750ffb7c8cf777653753.jpg)