ՆԱՏՕ-ն ողջունում է Հայաստանի և Ադրբեջանի համաձայնությունը։ Այս մասին X-ի իր միկրոբլոգում գրել է ՆԱՏՕ-ի գլխավոր քարտուղարի՝ Կովկասում և Կենտրոնական Ասիայում հատուկ ներկայացուցիչ Խավիեր Կոլոմինան:

«Ողջունում ենք Հայաստանի և Ադրբեջանի միջև համաձայնությունը 1991 թվականի Ալմա Աթայի հռչակագիրը որպես սահմանազատման հիմք ընդունելու մասին։ Երկու երկրի տարածքային ամբողջականության ճանաչումն առանցքային սկզբունք է։ Ինչպես տարածաշրջանային այցի ժամանակ հայտարարել է գլխավոր քարտուղար Յենս Ստոլտենբերգը, ՆԱՏՕ-ն վճռականորեն աջակցում է կարգավորման ջանքերին»,- գրել է Կոլոմինան: