Կենտրոնական Եվրոպայում իրավիճակը գնալով բարդանում է սաստիկ ջրհեղեղների պատճառով: Չեխիայում փակում են դպրոցները և տարհանում բնակիչներին: Ավստրիայում կանգ է առել երկաթուղային երթևեկությունը: Այս երկրներում արդեն 3 մարդ է զոհվել:

Գերմանիայում ջրհեղեղի հետևանքների վերացման աշխատանքներին են լծվել զինվորականները: Իսկ օդերևութաբանները կանխատեսում են, որ անձրևները շարունակվելու են:

Նման տարերային հեղեղների պատճառը ձյունառատ գարունն է եղել, որին հաջորդել են մեծ քանակությամբ տեղումները, ինչի պատճառով հողը բավականին հագեցած է խոնավությամբ և ի վիճակի չէ ներծծել թափվող տեղումների մեծ քանակը, որոնք հոսում են գետերը և առուները' դրանք դուրս բերելով իրենց հունից. գրում է Ruvr.ru-ն: