Lragir.am. ԱՀԿ Մինսկի խմբի համանախագահ երկրների նախագահները՝ Բարակ Օբաման, Ֆրանուսա Օլանդը եւ Վլադիմիր Պուտինը, հունիսի 18-ին Հյուսիսային Իռլանդիայում Մեծ Ութնյակի Վեհաժողովի շրջանակում հանդես են եկել Արցախի հակամարտության վերաբերյալ հայտարարությամբ: Սա հինգերորդ անընդմեջ հայտարարությունն է, որ երեք երկրների նախագահների մակարդակով արվում է արցախյան թեմայով:
Ընդ որում, նախագահները հղում են արել նախորդ չորս հայտարարություններին եւ նշել, որ այդ չորս հայտարարությունները պետք է հիմք դառնան հակամարտության կարգավորման արդար եւ տեւական լուծման համար:
Համանախագահ երկրների նախագահները նաեւ հայտարարում են, որ խոր ափսոսանք են հայտնում այն կապակցությամբ, որ հակամարտող կողմերն առ այսօր չեն կարողացել գտնել խնդրի լուծում: Նրանք հայտարարում են, որ կողմերը փոխանակ փնտրեն փոխադարձ շահերը հաշվի առնող լուծում, շարունակում են ձգտել միակողմանի ելքի:
Նախագահները հայտարարում են, որ «համոզված են, որ հավասարակշռված շրջանակային համաձայնագրի հետագա ձգձգումը» անընդունելի է եւ կոչ են անում Հայաստանի ու Ադրբեջանի առաջնորդներին կենտրոնանալ դեռեւս բաց մնացած հարցերի լուծման վրա:
Երեք նախագահները համարում են, որ նախորդ չորս հայտարարությունների ընթացքում նշված դրույթները պետք է հաշվի առնվեն որպես մեկ ամբողջություն: Նրանք հայտարարել են նաեւ, որ որեւէ մի կողմին նախապատվություն տալու որեւէ փորձ բացառում է հավասարակշռված որոշման հնարավորությունը:
«Մենք վճռականորեն կոչ ենք անում բոլոր կողմերի ղեկավարներին ևս մեկ անգամ վերահաստատել Հելսինկյան սկզբունքներին հավատարմությունը, մասնավորապես՝ ուժի և սպառնալիքի անընդունելիություն, տարածքային ամբողջականություն և ժողովուրդների ինքնորոշման իրավունք» հայտարարել է Օբաման, Օլանդը եւ Պուտինը:
Այսպիսով, երեք նախագահների հայտարարությունը փաստացի որեւէ նոր բան չպարունակեց, որը կարող էր նախանշել ղարաբաղյան հարցում որեւէ նոր զարգացում: Ըստ ամենայնի, Հայաստանի ու Ադրբեջանի նախագահներին ուղղված կոչը պետք է դիտարկել որպես նախագահների մակարդակով հանդիպում անցկացնելու հորդոր: Ինչպես հայտնի է, վերջին շրջանում այդ հանդիպման կապակցությամբ եղան իրարամերժ տեղեկություններ՝ նախ տեղեկություն եղավ, որ հանդիպում կլինի, իսկ հետո այն հերքվեց, եւ երկու դեպքում էլ աղբյուրները պաշտոնական չէին:
Որեւէ այլ առումով հայտարարության մեջ երեւի թե աչքի ընկնող բան չկար, կամ աչքի է ընկնում այն, որ երեք երկրների նախագահները փաստացի վերհաստատում են ստատուս-քվոյի առկայությունը, եւ կարծես թե առկա է պայմանավորվածություն չանել առանձնապես այնպիսի քայլեր, որոնք կարող են կտրուկ փոփոխությունների հանգեցնել առկա իրավիճակում:
Սա նաեւ սպասված հեռանկար էր, այն իմաստով, որ տարածաշրջանում գերտերությունների ազդեցության իմաստով ուժերի հավասարակշռությունն այնպիսին է, որ նրանցից որեւէ մեկը չունի կարճաժամկետ իմաստով բեկումնային նախաձեռնությունների հնարավորություն: Այդ իսկ պատճառով, Հարավային Կովկասում գործընթացներն ամենայն հավանականությամբ կշարունակեն զարգանալ այսպես ասած ներքին, խորքային տրամաբանությամբ եւ առավել հեռահար ու նուրբ տեխնոլոգիական հաշվարկներով:
Նախագահների հայտարարության մեջ ուշագրավ է նաեւ այն, որ փաստացի չկա ակնարկ կարգավորման գործընթացում որեւէ նոր դետալի կամ գաղափարի հավանականության վերաբերյալ, ինչը վկայում է, որ համանախագահ երկրներն ըստ ամենայնի ավելորդ եւ անիմաստ են համարում կողմերին ծանրաբեռնել նոր առաջարկներով, լավ հասկանալով, որ հակամարտությունն այդ տեսանկյունից չունի այն հավասարակշիռ լուծումը, որի մասին նրանք խոսում են եւ որի վերաբերյալ խոսքերը տվյալ դեպքում արդեն բավական հիպոթետիկ են հնչում՝ որպես կարգավորման իրատեսական տարբերակ:
Տարածաշրջանում առկա զարգացումներն այս տեսանկյունից իհարկե թողնում են հակասական տպավորություն: Մի կողմից, Թուրքիայում շարունակում է խիստ անհանգիստ լինել, իսկ սիրիական ուղղությամբ կարծես թե Արեւմուտքն ու Ռուսաստանը դիրքերը էլ ավելի են կոշտացնում եւ հեռացնում, բայց մյուս կողմից Իրանում նախագահ է ընտրվում ռեֆորմիստ հոգեւորականը, որը ամենայն հավանականությամբ ենթադրում է իրանական խնդրի չափավոր զարգացում:
Բոլոր դեպքերում, Կովկասն իհարկե ապահովագրված չէ ֆորս-մաժորներից, պարզապես երեք երկրների նախագահների հայտարարությունները վկայում են, որ այդ կապակցությամբ համատեղ որոշում գոյություն չունի, եւ նրանք առնվազն միմյանց հավաստիացրել են, որ կտրուկ շարժումներ չեն լինի: Առայժմ:
Երեք նախագահները երկարաձգեցին Ղարաբաղի ստատուս-քվոն
21:32 - 18.Հունիս.2013
Առաջարկում ենք նաև
18/06/13 19:30
Երեք նախագահները երկարաձգեցին Ղարաբաղի ստատուս-քվոն
17/11/20 21:21
Լեռնային Ղարաբաղի վերջնական կարգավիճակը որոշված չէ, Մոսկվան պահպանում է ստատուս քվոն. Պուտին
17/06/13 21:15
Ինչ են հայտարարելու երեք նախագահները Ղարաբաղի մասին
26/01/24 15:40
Գարդման-Շիրվան-Նախիջևան համահայկական միության կոչը Եվրոպայի խորհրդի խորհրդարանական վեհաժողովին
19/09/23 15:56
Ձեռնարկել հստակ եւ աներկբա քայլեր Ադրբեջանի ագրեսիային վերջ դնելու նպատակով. ՀՀ ԱԳՆ-ի հայտարարությունը
25/07/23 23:04
Լավրովը հայտարարել է Ռուսաստանի, Հայաստանի և Ադրբեջանի ղեկավարների գագաթնաժողով անցկացնելու ծրագրի մասին
02/09/22 09:00
Արցախի Հանրապետությունը 31 տարեկան է
09/06/22 13:18
Հուսանք՝ Փառուխի ուղղությամբ ՌԴ-ն ի վիճակի է վերականգնել նոյեմբերի 9-ին հաստատված ստատուս քվոն
15/04/21 18:20
ԼՂ ստատուս-քվոն ՌԴ-ին ձեռնտու էր. Նիկոլ Փաշինյանի մոսկովյան հանդիպման գաղտնի ձայնագրությունը
23/09/19 15:29
Եթե նա ուզում է վերադարձնել այս ստատուս քվոն, ապա թույլ չենք տալու․ Լևոն Քոչարյանը՝ Փաշինյանի մասին
12/07/19 14:40
Ստատուս քվոն չի պահպանվելու
Ամենադիտված
Լրահոս
10:33
ՄԻՊ ներկայացուցիչները մեկնել են Ոստիկանության Իջևանի բաժին՝ բերման ենթարկված անձանց տեսակցելու
09:39
Անգամ Աննա Հակոբյանի հետ մտերմությունը չի փրկում. ԲԴԽ անդամ Նաիրա Հովսեփյանը ազատման դիմում է գրել
08:58
Իսկ ինչու են Փաշինյանի, նրա կնոջ ու երեխաների շուրջ թիկնապահներ պտտվում, թող ծառ տնկի. լրագրողը հեգնել է Փաշինյանին
15:00
Սա փորձ է ստիպել հայ ժողովրդին հրաժարվել «իր ծննդյան վկայականից», փոխարենը պարտադրել մեկ այլ՝ նոր «սեփականության վկայական», որը ՀՀ կառավարության ղեկավ...
13:20
ՔՊ-ն խոսում է բռնության անթույլատրելիության մասին, իսկ երեկ ոստիկանները քաշքշում էին լրագրողին. Տիգրան Աբրահամյան
10:27
Աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ. ՄԻՊ
09:26
Այսօր որևէ մարդու աղքատության մեջ ապրելու առանցքային պատճառը ժամանակին նրա չստացած կրթությունն է. Փաշինյան
08:45
«Ժողովուրդ». ՔՊ հերթական «ձեռքբերումները»․ Երեւանի ընտրությունների իրավախախտումները չեն վրիպել Freedom House-ի աչքից
08:35
«Հրապարակ». Փաշինյանը ամոթանք է տվել, թե՝ չեք ուզում ձեր մի կտոր հողը զիջել հանուն Հայաստանի անկախության
08:24
«Ժողովուրդ». Արմավիրի նախկին դատախազները դիմել են արդարադատության նախարարին. ի՞նչ են պահանջում
16:00
Ոստիկանության համար սովորական է դարձել ԶԼՄ ներկայացուցչի վրա հարձակվելն ու բռնություն գործադրելը․ հայտարարություն
15:22
Ինքնաշխատ նոր համակարգի միջոցով 20 534 ֆիզիկական անձի վերադարձվել է 647,5 մլն դրամ սոցիալական վճար. ՊԵԿ
09:53
«Արսենը հրաշալի հայր էր, անկրկնելի ամուսին և հոգատար զավակ». կամավորական Արսեն Կարապետյանն անմահացել է հոկտեմբերի 10-ին. «Փաստ»
09:45
Պարզվել է, որ Սովետի քարտեզներն արդեն ակտուալ չեն ու որ «սահմանը» անցնելու է արդեն Խորհրդային Հայաստանի տարածքով. Կարեն Վրթանեսյան
09:09
«Ժողովուրդ». Ծիծեռնակաբերդի միջադեպի գործով 62 տարեկան պապիկի է մեղադրանք առաջադրվել. Աննա Հակոբյանը եւս կհարցաքննվի
09:05
«Եկեղեցու դեմ բոլոր հարձակումները պայմանավորված էին եկեղեցին թուլացնելու և նրա միավորիչ ուժը կասեցնելու և կանխելու հանգամանքով». «Փաստ»
09:05
«Հրապարակ». Ընդդիմության շարքերում ռադիկալ տրամադրություններ են տիրում, իսկ Նիկոլ Փաշինյանի բախտը կբերի