Ինչպես տեղեկացնում է ԳԱԼԱ-ն` այսօր գյուղնախարար Սերգո Կարապետյանը աշխատանքային այցով Շիրակի մարզում էր: Նախարարը նախ եղել է Ամասիայի տարածաշրջանի գյուղերում, որտեղ վերջերս գյուղացիները փակել էին ճանապարհները, քանի որ կաթ մթերող ընկերությունները իջեցրել էին մթերման գինը՝ 150 դրամից դարձնելով 140: Նախարարը նշեց, որ եթե գյուղացիները միավորվեն և կաթը չհանձնեն 140-ից պակաս գնով, ապա մթերողները ստիպված կլինեն պահպանել այդ գինը: Նախարարից հարցրինք, թե 140-ը գյուղացիների կատարած ծախսին համարժե՞ք գումար է, վերջինս էլ պատասխանեց, որ տարվա այս եղանակին կաթի ինքնարժեքը 20 դրամ է: Ապա գյուղնախարարը եղավ Բասեն գյուղում, որից հետո այցելեց Կառնուտ գյուղի դաշտեր: Նա հանդիպեց և զրուցեց նաև գյուղացիների հետ, ովքեր նախարարին ներկայացրին մարզում առկա խնդիրները: