Shamshyan.com-ը տեղեկացնում է, որ ոստիկանության քննչական գլխավոր վարչության Երևանի քննչական վարչության կենտրոնականի քննչական բաժնում հարուցվել է քրեական գործ՝ հունիսի 29-ին Երևանում հնչած կրակոցների փաստով: Ինչպես հայտնում է ֆոտոլրագրող Գագիկ Շամշյանը, ժամը 04:30-ի սահմաններում ոստիկանության կենտրոնականի բաժնի և ոստիկանության պարեկապահակային ծառայության գնդի աշխատակիցները Թումանյան-Մոսկովյան փողոցների խաչմերուկից ոստիկանության կենտրոնականի բաժին են տեղափոխել Երևանի բնակիչներ 20-ամյա Ալբերտ Խադոյանին, 21-ամյա Էրիկ Գասպարյանին, 20-ամյա Էդգար Ստեփանյանին, և 17-ամյա Մերի Ղևոնդյանին: Ըստ տեղեկությունների՝ վերջիննես իրենց մոտ եղած հրազենից կրակոցներ են արձակել օդ և Թումանյան-Մոսկովյան խաչմերուկում ոստիկանները հայտնաբերել են նաև 3 հատ 9 մմ տրամաչափի կրակված փամփուշտ, ինչպես նաև՝ Nissan Pathfinder մակնիի 170 ԼԼ 01 համարանիշի ավտոմեքենա: Հայտնաբերված հրազենը և փամփուշտները ուղարկվել են ոստիկանության փորձաքրեագիտական վարչութուն և դեպքի մանրամասները բացահայտելու համար քննիչի կողմից նշանակվել են մի շարք փորձաքննություններ:
