Հնդկաստանի դատարանը շվեյցարացի կին զբոսաշրջիկին մարտ ամսին խմբակային բռնաբարելու համար ցմահ ազատազրկման դատապարտեց 6 տղամարդու: Այս մասին, «Pravo.ru»-ի փոխանցմամբ, հայտնում է «BBC»-ն: Նրանցից չորսին մեղադրանք էր ներկայացվել բռնաբարության, իսկ երկուսին՝ զինված կողոպուտի համար: 39-ամյա կինը և նրա ամուսինը հարձակման էին ենթարկվել, երբ հանգստանում էին անտառում վրանում՝ Հնդկաստանի կենտրոնական մասի Մադհյա-Պրադեշ նահանգում հեծանիվներով արշավի ժամանակ: Հարձակվող 22-ից 30 տարեկան տղամարդիկ բնակվում էին դեպքի վայրից ոչ հեռու գտնվող գյուղում: Կանանց նկատմամբ բռնարարքի դեպքում Հնդկաստանի ոստիկանությունը և դատարանները, հանրության ճնշման տակ, դիմում են ավելի կոշտ միջոցների, որպեսզի կարողանան բացառել նման հանցագործությունները՝ հատկապես անցյալ տարի Դելիում հնդիկ ուսանողուհու խմբակայաին բռնաբարությունից և սպանությունից հետո: Վիճակագրության համաձայն՝ յուրաքանչյուր 20 րոպեն մեկ Հնդկաստանում կանայք բռնության են ենթարկվում:
