www.yerevannews.am Իրավիճակը Բաղրամյան 26-ում լարված է:
Ինչպես հայտնում է YerevanNews.am-ի թղթակիցը, ակտիվիստներն անցել էին փողոցի մյուս կողմը, նստել էին գետնին, փակել էին ճանապարհը և խոչընդոտում էին երթևեկությանը:
Ոստիկանները ճանապարհը բացելու համար բերման ենթարկեցին մի քանի ակտիվստների, իսկ մյուսներին էլ պարտադրված հրում էին դեպի փողոցի մյուս կողմ: Սակայն ակտիվիստները դիմադրություն են ցույց տալիս և նրանց և ոստիկանների միջև բախումները շարունակվում է:
Բերման են ենթարկվել ԱԺ ՀԱԿ խմբակցության պատգամավոր Արամ Մանուկյանի որդին' Արեն Մանուկյանը, Վիլեն Գաբրիելյանը, Դավիթ Սանասարյանը, Կարեն Հարությունյանը, Սուրեն Սահակյանը:
Բողոքի ակցիային մասնակցում է նաև ԱԻՄ առաջնորդ Պարույր Հայրիկյանը:
