Այսօր վերաքննիչ քրեական դատարանում դատավոր Եվա Դարբինյանի նախագահությամբ շարունակվել է ՀԱԿ ակտիվիստ Տիգրան Առաքելյանի գործով դատավարությունը: Ամբաստանյալը միջնորդություն է ներկայացրել, որպեսզի դեպքի վայրում դեմքի վնասվածք ստացած ոստիկան Դավիթ Ավետիսյանի նկատմամբ կիրառվի կրկնակի դատաբժշկական փորձաքննություն, սակայն միջնորդությունը մերժվել է: Ինչպես նաև միջնորդություն է ներկայացվել փաստաբան Մուշեղ Շուշանյանի կողմից, որպեսզի հենց դատարանում հարցաքննության ենթարկվի գործով վկա Հրանտ Միրիջանյանը, ում վկայությունը դատարանի համար վերջնական վճիռը կայացնելու ընթացքում կարող է լինել բեկումնային: Դատարանը վճռել է հաջորդ նիստին, որը կայանալու է հոկտեմբերի 9-ին, հարցաքննության ենթարկել նաև Հրանտ Միրիջանյանին: