Ռուսաստանի մայրաքաղաք Մոսկվայում տեղի ունեցած բախումները կրկին բարձրացրին ազգային խնդիրն այդ երկրում: Անցյալ կիրակի օրը բռնկված անկարգությունները դժգոհությունների մեծ ալիք առաջ բերեցին: Թեման շատ ակտուալ կերպով քննարկվում է նաև համացանցում, և ռուս բլոգերներն ու օգտատերերը զբաղված են մեկը մյուսի հետևից «կովկասյան խնդրի» իրենց լուծումն առաջարկելով:
Բլոգերներն ու ինտերնետ օգտատերերը վրդովված են ոչ միայն այն հանգամանքից, որ կովկասցիները լցվել են ռուսական շուկաներում, այլ նաև, որ նրանք բարձր դիրք են զբաղեցնում նախարարություններում: Այդ կապակցությամբ հատկապես բլոգերների քննադատությանն է արժանացել ՌԴ ԱԳՆ-ն, ուր դիվանագետների մեծ մասը կովկասցիներ են:
Այդ կապակցությամբ նրանք այսօր կազմել են ԱԳՆ դիվանագիտական աշխատակիցների «սև ցուցակը»: Ցուցակում ընդգրկված են Կովկասի տարբեր ազգերի ներկայացուցիչներ, որտեղից մենք առանձնացնում ենք հայազգի աշխատակիցներին:
Գևորգյան Կիրիլ Հորացիոսի` Իրավական դեպարտամենտի տնօրեն
Մալայան Էդուարդ Ռուբենի` հատուկ հանձնարարությունների հարցերով դեսպան
Մարգարյան Ռոբերտ Վարդանի` Խորվաթիայում ՌԴ դեսպան
Ավետիսյան Անդրեյ Լևոնի` Աֆղանստանում ՌԴ դեսպան
Ջաղարյան Լևան Սեմյոնի` Իրանում ՌԴ դեսպան
Բեջանյան Յուրի Վարդանի` Կանադայում ՌԴ գլխավոր հյուպատոս
