Ինչպե՞ս կերակրել շանը: Օրինակ՝ դուք կարող եք Ձեր սննդի մնացորդներով կերակրել նրան կամ ...Ձեր չորսոտանի ընկերոջը տանել շների համար իսկական ռեստորան:
Լոնդոնում բացվել է շների համար առաջին ռեստորանը: Չնայած իր տեսակի մեջ այն առաջինը չէ, սակայն տնային կենդանիների համար ամբողջ աշխարհում լավագույններից է համարվում: Նրանց այստեղ ոչ միայն կերակրում են միանգամայն անվճար, այլև միացնում են հաճելի երաժշտություն և շոյում են փորիկը:
Lilу’s Кitchеn անունով ռեստորանը՝ բացումից շատ չանցած, արդեն իսկ իր մշտական հաճախորդներն ունի:Ամեն ինչ հարմարեցված է այնպես, ինչպես իսկական ռեստորաններում. շները նստում են սեղանի շուրջ, իսկ մատուցողը բերում է սիրելի կերակրատեսակները:
Իհարկե դժվար է հավատալ, որ շներին կերակրում են ռեստորանում, այն էլ՝ անվճար, սակայն սա շատ լավ մտածված գովազդային քայլ է կենդանիների էկոլոգիական սննդի պատրաստմամբ զբաղվող ընկերության կողմից:
