Հունվարի 16-ին, ժամը 14.30-ին, 1981 թ. ծնված Կարեն Գ.-ից ոստիկանության Տարոնի բաժնում հաղորդում է ստացվել, որ նույն օրը, ժամը 10.30-ի սահմաններում, Տիգրան Մեծի պողոտայում գտնվող հրապարակում, վիճաբանության ժամանակ, 1981 թ. ծնված Վարդգես Ա.-ն ոտքով հարվածել է իր սրունքին և բացահայտ հափշտակելով բջջային հեռախոսը' դիմել փախուստի:
Ոստիկանության Տարոնի բաժնի ծառայողների բացատրական աշխատանքների շնորհիվ Վարդգես Ա.-ն ներկայացել է բաժին և ներկայացրել բջջային հեռախոսը:
Ոստիկանության մամուլի ծառայությունից հայտնում են, որ կատարվում է հետաքննություն:
