Հունվարի 8-ին' ժամը 19.10-ին, ոստիկանության Շենգավիթի բաժնում հաղորդում էր ստացվել, որ թիվ 44 երթուղու ավտոբուսի սրահում ուղևորուհուց գողացել են 100.000 դրամ և բջջային հեռախոսը:
Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները հունվարի 16-ին, ժամը 14.30-ին, Արմավիրի մարզի Արևաշատ գյուղից, գողություն կատարելու կասկածանքով, ոստիկանության Շենգավիթի բաժին բերման են ենթարկել 1970 թ. ծնված Արմեն Ա.-ին:
Ձեռնարկված օպերատիվ-հետախուզական միջոցառումների և քննչական գործողությունների շնորհիվ պարզվել է, որ կնոջ բջջային հեռախոսը և գումարը գողացել է Արմեն Ա.-ն:
Ոստիկանության մամուլի ծառայությունից հայտնում են, որ կատարվում է նախաքննություն:
