Եվրամիության ընդլայնման եւ հարեւանության քաղաքականության հարցերով կոմիսար Շտեֆան Ֆյուլեն մարտի 4-ին ժամանել Է Վրաստան՝ երկրի ղեկավարության եւ քաղաքացիական սեկտորի ներկայացուցիչների հետ քննարկելու եվրաինտեգրացման հարցերը, տեղեկացնում Է «Արմենպրես»-ը՝ հղում անելով «Նովոստի Գրուզիա» գործակալությանը:
Այցի շրջանակներում Ֆյուլեն հանդիպումներ կանցկացնի Վրաստանի նախագահի, վարչապետի, խորհրդարանի նախագահի, կառավարության անդամների, ընդդիմության եւ քաղաքացիական հասարակության ներկայացուցիչների հետ:
«Իմ այցի ծրագրի զգալի մասը նվիրված կլինի քաղաքացիական հասարակայնության հետ հանդիպումներին: Դրանց ընթացքում իմ կողմից արծարծվելիք հիմնական հարցերը կլինեն ԵՄ-ի հետ ասոցացման համաձայնագիրը եւ Վրաստանի ու Եվրամիության փոխհարաբերությունները»,-Թբիլիսիի օդանավակայանում լրագրողներին ասել Է եվրակոմիսարը:
Շտեֆան Ֆյուլեն պետք Է Վրաստան ժամաներ երեկ՝ մարտի 3-ին, սակայն ուկրաինական ճգնաժամի պատճառով այցը մեկ օրով հետաձգվել Էր:
Վրաստան այցի շրջանակներում առաջին հանդիպումը եվրակոմիսարն անցկացրել Է արտաքին գործերի նախարար Մայա Փանջիկիձեի հետ:
