Թայվանցի մի քանի հարյուր ուսանողներ ու քաղաքացիական ակտիվիստներ գրավել են երկրի խորհրդարանի շենքը՝ բողոքելով Չինաստանի հետ ազատ առեւտրի մասին պայմանագրի վավերացման դեմ, տեղեկացնում Է BBC-ին:
Բողոքի ակցիայի մասնակիցները գրավել են նիստերի դահլիճը եւ աթոռներով արգելափակել դռները:
Ոստիկանությունն առայժմ չի կարողացել ազատել շենքը: Ձերբակալությունների վերաբերյալ հաղորդումներ դեռեւս չեն ստացվել:
Չինաստանի հետ ազատ առեւտրի մասին պայմանագրի համաձայն՝ երկրներից յուրաքանչյուրի ծառայությունների ոլորտի ընկերությունները կկարողանան գործել մյուս պետության տարածքում:
Այդ օրենքի քննադատներն այն կարծիքին են, որ Չինաստանը հնարավորություն կստանա տնտեսապես ազդել կղզու կենսագործունեության վրա:
Չինաստանը պնդում Է, որ Թայվանը իր տարածաքի բաղկացուցիչ մասն Է եւ մտադիր Է պաշտոնապես հասնել վերամիավորման:
Տայվանն ինքնուրույն պետություն Է դարձել 1949 թվականի քաղաքացիական պատերազմից հետո:
