Ուկրաինայում դաշնայնացման մասնակիցները հայտնել են, որ իրենք գրավել են Ուկրաինայի Դոնեցկի մարզի Սլավյանսկ քաղաքի վարչական շենքը:
Ինչպես հայտնում է Դոնբասի ազգային ոստիկանության փոխղեկավար Սերգեյ Ցիպլակովը, դաշնայնացման կողմնակիցները վերահսկողության տակ են վերցրել Սլավյանսկ քաղաքի վարչական շենքը:
«Այժմ Դոնեցկում մենք արգելափակել ենք «Բերկուտը», այնպես որ, նրանք չեն չկարողանան հասնել Սլավյանսկում գրաված շենքը»,-ասել է Ցիպլակովը:
Ավելի ուշ Ուկրաինայի ՆԳ նախարար Արսեն Ավակովը հայտարարել էր, որ Սլավյանսկում քողարկված զինված անձինք գրավել են ոստիկանության մարզային բաժանմունքը:
Նշենք, որ Ուկրաինայի հարավ-արևելյան մարզերում շարունակվում են երկրի դաշնայնացման կողմնակիցների հանրահավաքները: Դրանց մասնակիցները հավաքվել են ռուսական եռագույնի տակ և պահանջել իրենց շրջանների կարգավիճակի մասին հանրաքվեներ անցկացնել:
