Մարտի 21-ին, ժամը 03.20-ին, հիվանդանոցից ոստիկանության Բազումի բաժնում հաղորդում է ստացվել, որ «աջ և ձախ վերջույթների մակերեսային այրվածքներ» ախտորոշմամբ իրենց մոտ բուժօգնության է տեղափոխվել 1992 թ. ծնված Արարատ Բ.-ն, «դեմքի, ձեռքի և ազդրի այրվածքներ» ախտորոշմամբ' 1996 թ. ծնված Մերի Բ.-ն և «դեմքի, զույգ դաստակների այրվածքներ» ախտորոշմամբ' 1975 թ. ծնված Նորայր Բ.-ն:
Արարատ և Մերի Բ.-երի մայրը ոստիկաններին հայտնել է, որ նշված անձինք վնասվածքները ստացել են նույն օրը, ժամը 02.20-ի սահմաններում, ամուսնու եղբոր' Նորայր Բ.-ի հետ տան պատկանելության հարցի շուրջ վիճաբանության ժամանակ, երբ վերջինս գազի վառարանի մոտ իր վրա բենզին է լցրել:
Պարզվել է, որ վիճաբանության ժամանակ Նորայր Բ.-ն սպառնացել է, որ տան անդամներին տան հետ միասին կայրի, ինչից հետո ինքնասպանություն գործելու նպատակով բենզինը լցրել է իր վրա:
Տուժողերին տրվել են դատաբժշկի ուղեգրեր:
Հանգամանքները պարզվում են:
