Ինչպես ավելի վաղ հայտնել էր Mediamall.am-ը «Դ!եմ եմ» նախաձեռնությունը բողոքի ակցիա է կազմակերպել ՀՀ ֆինանսների նախարարության մոտ:

Տասնյակ ակտիվիստներ նստել են գետնին' փակելով Նալբանդյան փողոցը:

Ոստիկանները կրկնապատկել են իրենց ուժերը և փորձում են ուժով բացել փողոցը:

Քիչ առաջ Նալբանդյան փողոց է եկել Երևանի ոստիկանապետ Աշոտ Կարապետյանը, ով առաջարկով դիմել է ակտիվիստներին' ազատել փողոցը, որից հետո, ակտիվիստներին Ֆինանսների նախարարությունում կընդունեն կամ նախարարի պաշտոնակատարը, կամ փոխնախարարը: Ակտիվիստները բղավում են «հիմա, հիմա» և պահանջում են, որ նրանք գան Նալբանդյան փողոց:

Այս պահին Երևանի ոստիկանապետը բանակցում է ակտիվիստների հետ:

Վերջինս հայտարարել է, որ եթե ակտիվիստները չբացեն փողոցը' կիրառելու են հարկադրանքի ուժ:

Լուսանկարը` Տիգրան Առաքելյանի ֆեյսբուքյան էջից