Համաքաղաքային ծառատունկի ընթացքում Նուբարաշեն վարչական շրջանի սկզբնամասից մինչև Փոքր Մհեր կրթահամալիր ընկած ճանապարհահատվածում տնկվում է 800 արագաճ կանադական բարդի։ Տարածքի ծառապատման նպատակը տվյալ տեղանքում անտառպաշտպան շերտ ձևավորելն է։

Ինչպես  տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, ծառատունկին մասնակցում են Նուբարաշեն վարչական շրջանի աշխատակազմի, կանաչապատող ընկերության, ինչպես նաև հիմնարկ-ձեռնարկությունների աշխատակիցներ, վարչական շրջանի բնակիչներ։