Ուկրաինայի իրադարձությունները ոչ թե փոխել, այլ հաստատել են «Վրացական երազանքի» այն դիրքորոշումը, որ Վրաստանի եվրատլանտյան ինտեգրացումը եւ Ռուսաստանի հետ ռացիոնալ երկխոսությունը հնարավոր են»: Այդ մասին «Մաեստրո» հեռուստաընկերության ուղիղ եթերում հայտարարել Է Վրաստանի նախագահ Գեորգի Մարգվելաշվիլին:
«Այն, որ Վրաստանի եվրոպական եւ եվրատլանտյան ձգտումն իրագործելի Է, եւ Ռուսաստանին կարելի Է ցույց տալ այն դիրքորոշումը, որ դա նրա համար շահավետ Է, այլ ոչ թե տանուլ տրված, եղել Է ոչ միայն «Վրացական երազանքի» դիրքորոշումը: Դա այն դիրքորոշումն Է, որին համաձայն են եւ որին մեզ մշտապես դրդել են մեր գործընկերներն ինչպես Եվրոպայում, այնպես Էլ Ամերիկայում»,- ասել Է նախագահը:
«Այն, որ հարկավոր Է ռացիոնալ երկխոսություն սկսել Ռուսաստանի հետ, մեկ անգամ չԷ, որ ասել են արեւմտյան ղեկավարները: Փոխե՞լ են արդյոք այս դիրքորոշումն Ուկրաինայի իրադարձությունները: Բնավ չեն փոխել, ընդհակառակը, խորացրել են, եւ սույն դիրքորոշումը ձեւավորվել Է ամբողջ աշխարհում, եւ հենց այդ դիրքորոշմամբ են խոսում Ռուսաստանի հետ»,- հավելել Է Մարգվելաշվիլին:
Նրա իսկ խոսքով՝ անդամակցել Եվրամիությանը եւ NATO-ին եւ նորմալացնել Ռուսաստանի հետ հարաբերությունները կարողացել են Խորհրդային Միության նախկին երկրները, մասնավորապես, Մերձբալթիկայի երկրները, բայց այդ ուղին անցնելու համար անհրաժեշտ Է վարել «հանդարտ եւ ռացիոնալ քաղաքականություն»:
