Չեչնիայի Հանրապետության ղեկավար Ռամզան Քադիրովը հերքել է ուկրաինական և արևմտյան զանգվածային լրատվամիջոցների հաղորդումներն այն մասին, թե Դոնեցկի մարզի հակամարտությանը մասնակցում են ստորաբաժանումներ Չեչնիայից:
«Ուկրաինական աղբյուրները տարածում են հաղորդումներ, թե Ռուսաստանից ինչ-որ «չեչենական ստորաբաժանումներ» են ներխուժել Դոնեցկ: Ես պաշտոնապես հայտարարում եմ, որ դա չի համապատասխանում իրականությանը: Ոչ մի կարգի «չեչեն զինծառայողներ», առավել ևս «Չեչնիայի զինվորական շարասյուներ» չեն մասնակցում հակամարտությանը»,- գրել է Քադիրովը Instagram-ի իր էջում, հաղորդել է «Ինտերֆաքսը»:
